वैशाख ६ धनगढी, । ०२–०३–०१७–प ५९७३ नम्बरको मोटरसाइकलको ठक्करबाट गम्भीर घाइते थारु कल्याकारिणी सभा थाकस कैलालीका सभापति एवम् थारु अगुवा लाहुराम चौधरीको आज निधन भएको छ ।
लाहुराम चौधरीको धनगढीस्थित मायामेट्रो अस्पतालमा उपचारको क्रममा उनको निधन भएको हो ।
धनगढी उपमहानगरपालिका–३ बड्हरावासी चौधरीलाई छ लेन सडकका पैदल हिड्दै गरेको अवस्थामा शनिबार साँझ कञ्चनपुरको शुक्लाफाँटा नगरपालिका–४ का २९ वर्षीय समिर घिमिरेले चलाएको प्रदेश ०२–०३–०१७–प ५९७३ नम्बरको मोटरसाइकलले ठक्कर दिएका थिए ।
मोटरसाइकलको ठक्करबाट गम्भीर धाइते भएका लाहुराम चौधरीलाई आइसीयु राखेर उपचार गर्ने क्रममा निधन भएको थारु कल्याणकारिणी सभा कैलालीका पूर्व सभापति प्रभातकुमार चौधरीले बताए । ठक्कर दिने चालक र मोटरसाइकललाई प्रहरीले नियन्त्रणमा लिएको छ ।