बाजुरा,चैत्र १८। बाजुरामा बाघले आक्रमण गर्दा एक बालकको मृत्यु भएको छ। बाजुराको खप्तड छेडेदह गाउँपालिका–३ धुरतोला वस्ने दिल्लीबहादुर रावतको छोरा ८ वर्षीय बिजय रावतको बाघको आक्रमणबाट मृत्यु भएको प्रहरीले जनाएकोछ।
बालकलाई सोही ठाउँको सेली घरदेखि अन्दाजी २ किलोमिटर टाढा रहेको छानो(गोठ)को आगनमा रहेको पानीधारामा बाघले आक्रमण गरी छानोदेखि अन्दाजी १५० मिटर टाढा बालकलाई छोडी बाघ भागेको र बालकको घटनास्थलमा नै मृत्यु भएको जिल्ला प्रहरी कार्यालय बाजुराले जनाएको छ।