धनगढी,२७ साउन । धनगढीमा कोरोना भाइरसविरुद्धको खोप (कोभिशिल्ड) को दोस्रो डोज २८ र २९ गते लगाइने भएको छ। उपमहानगरपालिकाले सूचना जारी गर्दै कोभिशिल्डको पहिलो मात्रा लगाएका नागरिकलाई दोस्रो मात्रा लगाइने भएको हो ।
उपमहानगरपालिकाले १६ वटा खोप केन्द्रमार्फत कोभिशिल्डको दोस्रो मात्रा लगाइने जानकारी दिएको हो। वडा नम्बर १ का नागरिकलाई साउन २९ गते र अन्य वडाका नागरिकलाई २८ गते खोप लगाइने उपमहानगरपालिकाका अधिकृत नारायण शर्माले जानकारी दिए।
‘०७७ फागुन २३ गतेदेखि २८ गतेसम्म र अनय मितिमा कोभिशिल्डको पहिलो मात्रा लगाएका सम्पूर्णलाई दोस्रो मात्रा लगाइनेछ,’ शर्माद्वारा जारी सूचनामा उल्लेख छ।