काठमाडौं १६ चैत, काठमाडौंको गोकर्णेश्वर नगरपालिका–१, सुन्दरीजलमा टिपरको ठक्करबाट दुई बालिकाको मृत्यु भएपछि तनावको स्थिति सिर्जना भएको छ ।
आक्रोशित स्थानीयले टिपरमा तोडफोड गरेका छन् । त्यस्तै, आक्रोशित समूहले सडक अवरुद्ध पारेका छन् । स्थितिलाई नियन्त्रणमा लिन बाक्लो प्रहरी परिचालन गरिएको छ । प्रहरीले केही राउण्ड अश्रुग्याससमेत प्रहार गरेको छ ।
आज बिहान ८ बजे दुई जनालाई उनीहरूका बुबाले मोटरसाइकलमा राखेर स्कुल लैजाँदै गर्दा बा४ख ६९६५ नम्बरको टिपरले ठक्कर दिँदा घटनास्थलमै मृत्यु भएको थियो । घटनामा उनीहरूका बुबा रोहन घिसिङ पनि गम्भीर घाइते छन् ।