महादेव गिरी संवाददाता,
धनगढी, ३१ असोज, कैलाली जिल्लास्थित सत्तारुढ गठबन्धन दलहरुको सयुक्त वैठकले आसन्न मंसिर ४ गते हुने प्रतिनिधि र प्रदेश सभा निर्वाचनलाई रणनितिक रुपमा सफल बनाउन जिल्ला स्तरिय निर्वाचन परिचालन सयुक्त समिति गठन गरेको छ ।
सो समितिमा नेपाली काँग्रेसका जिल्ला सभापति नारायण दत्त भट्टको संयोजकत्वमा ४ सदस्यीय समिति गठन गरेको छ । सदस्यहरुमा नेकपा एकीकृत माओवादीका तर्फवाट लाजुराम चौधरी, नेकपा समाजवादीका तर्फवाट भैरब रावल र राष्ट्रिय जनमोर्चाका तर्फवाट जगत प्रसाद जोशी रहेका छन् ।
निर्वाचन परिचालन सयुक्त समिति गठन पश्चात सो समितिको बैठक वसेको थियो । समितिले कैलाली जिल्लाका ५ ओटै निर्वाचन क्षेत्रमा सत्तारुढ गठबन्धन दलमा रहेका क्षेत्र भित्रका केन्द्रीय सदस्य, प्रदेश कार्यसमिति, पार्टीका जिल्ला पदाधिकारि तथा सदस्यहरुसंग समन्वय गरी अनिवार्य उपस्थित गराउने र निर्वाचनमा परिचालन गराउने निर्णय भएको नेपाली काँग्रेस जिल्ला सचिव केसव राज मिश्रले बताए ।
छलफल कार्यक्रममा नेपाली काँग्रेस, नेकपा माओवादी केन्द्र, नेकपा समाजवादी र राष्ट्रिय जनमोर्चाका केन्द्रीय तथा जिल्ला नेताहरुको उपस्थिति रहेको थियो ।