कात्तिक १६, नेपाली कांग्रेसका नेता अर्जुननरसिंह केसीले लोकतान्त्रिक बाम गठबन्धन संविधानको रक्षा र विकासको गति बढाउनको लागि गरिएको बताएका छन् । बिदुर नगरपालिकास्थित नुवाकोट दरबार परिसरमा आयोजित चुनावी कार्यक्रम तथा भेटघाट कार्यक्रममा नेता केसीले विरोधिको विचार सुरक्षित गर्न सत्ता गठबन्धन आवश्यक रहेको बताए ।
नुवाकोट २ मा सत्ता गठबन्धनबाट कांग्रेसका उम्मेदवार रहेका केसीले कुनै व्यक्ति जित्न नभइ राष्ट्र हितका लागि गठबन्धन गरिएको बताए । ुप्रचण्ड गोरखामा जित्न, शेरबहादुर देउवा डडेल्धुरामा जित्न वा म नुवाकोटमा जित्न गठबन्धन गएको होइन । संविधानको रक्षा गर्न र विकासको गति अगाडि बढाउन यो गठबन्धन गरिएको हो,ु उनले भने ।
त्यसैले मंसिर ४ को चुनावमा हिजोको इतिहास र भोलिको भविष्यलाई बोक्न जिताउनुपर्ने नेता केसीले बताए ।ुचिर्वाचनमा लड्ने उमेदवारहरूले म सक्षम छु र मेरो एजेण्डा राम्रो छन् भन्नू स्वाभाविक हो । तर जसले हिजोको इतिहास र भोलिको भविष्यलाई बोक्न सक्छ त्यसैलाई जनताले मंसिर ४ मा मतदान मार्फत आफ्नो प्रतिनिधि रोज्ने छन्, उनी भन्छन् ।
कुनै पनि उमेदवारले व्यक्तिगत आलोचना र विरोध गरेर समय खेर फाल्न नहुने केसीको भनाइ छ । जनतासामु आफ्नो स्पष्ट योजना लिएर अगाडि बढ्नुपर्ने केसीले बताए।