धनगढी, २२ साउन, धनगढीमा रहेको अटोरिक्सा चालकहरुसंग पैशा अशुल नगरेको विद्युतीय रिक्सा चालक मजदुर संघले आइतवार धनगढीमा पत्रकार सम्मेलन कार्यक्रम मार्फत बताएको छ । धनगढीमा पत्रकार सम्मेलन गरी कुनै पनि रिक्साबाट आफुहरुले पैसा संकलन नगरेको संघका अध्यक्ष मिनप्रसाद जोशीले बताएका छन् ।
‘यातायात व्यवस्था कार्यालयबाट धनगढी उपमहानगरपालिका सिफारिस गर्ने वेला २०७५ सालमा स्थानीय सरकारले अनिवार्य बिमा आवश्यक छ भनिएको थियो’, अध्यक्ष जैशीले भने । ‘त्यति वेला बिमा गराएका थिए ।
त्यसमा संघले केहि सहजीकरण वाहेक केहि गरेको थिइन् । तर, केहि साथिहरु अहिले हामीले पैसा खायो भनेर आरोप लगाई रहनुभएको छ । यो सरासर झुट हो ।’ बिमा कार्यालयले एक बर्षका लागि गरिएको विमा अहिले संघलाई खायो भन्ने कुरामा सत्यता नभएको उनले प्रष्ट पारे । ‘सवारी बिमा भनेको एक बर्षका लागि गरिएको हुन्छ’, उनले भने ।
‘फेरि पनि दावी गर्नुलाई रिनु गराउनुपर्ने हुन्छ । तर, साथिहरु अहिले आएर बिमा रकम पाउनुपर्छ भनेर दावी गरिरहनु भएको छ । जुन कुरा नियमसम्मत नै छैन ।’
विभिन्न मजदुर संगठनले पनि पैसा अशुल गरिरहेको भन्दै आफ्नो पनि बद्नाम गर्न खोजिएको भन्दै आपति जनाएका छन् । नेपाल यातायात व्यवसायी संघका सुदूरपश्चिम प्रदेश सचिव गोविन्द शाहले केहि सञ्चार माध्याममा सम्पूर्ण मजदुरहरुको बद्नाम गर्ने नियतका साथ आईरहेको आरोप लगाए ।
रिक्साचालक मजदुरले सबै रिक्साचालकले संघले एकसाथ बिमा गर्छु भन्दै रकम अशुल गरेको आरोप लगाएका थिए ।