१६ असोज पुर्व पश्चिम राजमार्ग अन्तरगत कपिलवस्तुको शिवराज नगरपालिका– १ दाबाटोमा गुडिरहेको बसमा आफै आगलागी भएको छ।सोमवार राति सवा २ बजेतिर शिवपुरी यातायात प्रालिको धनगढीबाट काठमाण्डौ तर्फ गईरहेको बा ४ ख ८४८८ नम्बरको बसमा आगलागी भएको हो।
गुड्दा गुड्दै बसमा एक्कासी ईन्जनको भागबाट आगोलागी भएको प्रहरी नायब उपरिक्षक गंगा बहादुर थापाले बताए। मानवीय क्षति नभएको र बसमा रहेका १७ जना यात्रु लाई अन्य गाडीमा राखि गन्तव्य तर्फ पठाइएको उनले बताए।
बसको भित्रको फाईबरको भाग र सिट जलि क्षति भएको उनले बताए। नगरपालिकाको दमकल र प्रहरीका सकृयतामा ढेड घन्टा पछि आगाली नियन्त्रणमा आएको वडा प्रहरी कार्यालय चन्द्रौटाका प्रहरी निरीक्षक गीता प्रासद चौधरीले बताए।