काठमाडौं ३ फागुन, । नेपाली कांग्रेसले बसपार्कमा भएको लुटपाट र तोडफोडको घटनाका दोषीलाई कारबाही गर्न सरकारसँग माग गरेको छ । आजको प्रतिनिधि सभा बैठकको विशेष र शून्य समयमा बोल्ने कांग्रेस नेताहरुले उक्त माग गरेका हुन् ।
विशेष समायमा बोल्दै नेपाली कांग्रेसका प्रवक्ता प्रकाशशरण महतले काठमाडौंको मुटुमै शान्ति सुरक्षाको प्रत्याभूति सरकारले गराउन सक्दैन भने दुरदराजको स्थिति के होला ? भन्दै प्रश्न गरे । उनले तत्काल दोषीलाई कारबाही गर्नुपर्ने माग गरे ।
शून्य समयमा बोल्दै नेपाली कांग्रेसका सांसद शंकर भण्डारीले बसपार्क क्षेत्रको घटना सुनियोजित र प्रायोजित भएको जिकीर गरे । पीडितसँग सरकारले अहिलेसम्म छलफल पनि नगरेको बरु उल्टै पक्राउ गरेको सुन्नमा आएको उनले बताए । उनले घटनाका दोषीलाई कारबाहीको माग गरे ।अनलाइनखबर