२८ भदौ, काठमाडौं । राष्ट्रिय सभाका अध्यक्ष गणेशप्रसाद तिमिल्सिना र नेपाल भ्रमणमा रहेका चीनका राष्ट्रिय जनकंग्रेसका अध्यक्ष ली चान्सुबीच भेटवार्ता भएको छ ।
नयाँ बानेश्वरस्थित प्रतिनिधि सभा भवनमा आज बिहान तिमिल्सिना र चान्सुबीच भेटवार्ता भएको हो ।
सोमबार नेपाल आएका चान्सुले सोही दिन प्रतिनिधि सभाका सभामुख अग्निप्रसाद सापकोटासँग भेटवार्ता गरेका थिए ।
चार दिने नेपाल भ्रमणमा आएका चान्सुले यहाँ रहँदा उच्चस्तरीय भेटवार्ता गर्ने कार्यसूची रहेको छ । सोही अनुसार आज अपराह्न प्रधानमन्त्री शेरबहादुर देउवालाई पनि भेट्ने कार्यक्रम तय भएको छ । त्यसअघि पूर्वप्रधानमन्त्रीद्वय केपी शर्मा ओली र प्रचण्डलाई भेट्ने कार्यसूची छ ।
सभामुख सापकोटाको निमन्त्रणामा नेपाल आएका चान्सु बिहीबार फर्किनेछन् ।