जेठ १८, छुट्टाछुट्टै दुर्घटनामा ३ जनाको मृत्यु भएको छ । चितवन, धनकुटा र सप्तरीमा भएको दुर्घटनामा ३ जनाको मृत्यु भएको हो ।
धनकुटाको धनकुटा नगरपालिका–६ मा गएराति मोटरसाइकल दुर्घटना हुँदा चालकको मृत्यु भएको छ । गम्भीर घाइते भएका मोटरसाइकल चालकको उपचारका क्रममा जिल्ला अस्पताल धनकुटामा मृत्यु भएको हो । मृतकको सनाखत हुन बाँकी रहेको छ ।
धनकुटाबाट धरानतर्फ जाँदै गरेको मे ६ प १७५६ नम्बरको मोटरसाइकल गएराती २ बजे अनियन्त्रित भइ पल्टिएको जिल्ला प्रहरी कार्यालय धनकुटाले जनाएको छ । यसैगरी सप्तरीको कञ्चनरुप नगरपालिका–१२ मा गएराति बसको ठक्करबाट एक युवकको घटनास्थलमै मृत्यु भएको छ ।
मृत्यु हुनेमा अन्दाजी ३० वर्षीय युवक रहेका छन् । मृतकको सनाखत हुन बाँकी रहेको छ । पूर्वबाट पश्चिमतर्फ जाँदै गरेको प्रदेश २–०३–००१ ख ८२५ नम्बरको बसले गएराती ९ बजे पैदल यात्रीलाई ठक्कर दिएको थियो ।
दुर्घटनामा संलग्न बस सहित चालकलाई इलाका प्रहरी कार्यालय कञ्चनपुरले नियन्त्रणमा लिएको छ । यसैबीच चितवनको इच्छाकामाना गाउँपालिका–४ पृथ्वी राजमार्गको धारापानीमा आज बिहान सवारी साधनको ठक्करबाट एक पुरुषको मृत्यु भएको छ ।
मृत्यु हुनेमा करिब ३५ वर्षीय पुरुष रहेका छन् । मृतकको नाम थर ठेगाना भने खुल्न सकेको छैन् । नम्वर नखुलेको सवारी साधनले आज बिहान करिब ४ बजे उनलाई ठक्कर दिएको थियो ।
दुर्घटना गराई फरार रहेका सवारी साधन सहित चालकको खोजीकार्य भईरहेको ईलाका प्रहरी कार्यालय मुग्लीनले जनाएको छ ।रातोपाटी
Related
