वडामा कुल खसेको २ हजार ५ सय ६८ मत मध्य २ हजार ४ सय ७३ सदर मतमा नेपाली काङ्ग्रेसका वडा अध्यक्षका उम्मेदवार कुँवरले १ हजार २ सय ६८ मत प्राप्त गर्दा उनका निकटतम प्रतिद्वन्द्वी नेकपा एमालेका तर्फबाट वडा अध्यक्षका उम्मेदवार भीम बहादुर शाहीले ४ सय ६६ मत प्राप्त मात्रै प्राप्त गरे ।
नेकपा माओवादीका तर्फबाट वडा अध्यक्षका उम्मेदवार सन्तोष आउजीको ३ सय ६७ मत प्राप्त गर्दा राष्ट्रिय प्रजातन्त्र पार्टीका तर्फबाट वडा अध्यक्षका उम्मेदवार महेश जोशीले ६५ मत प्राप्त गरे । स्वतन्त्रका उम्मेदवार पुरन सिंह कडायतले ५७ मत प्राप्त गरे । त्यस्तै महिला सदस्यमा नेपाली काङ्ग्रेसका तर्फबाट गीता चौधरी १ हजार १ सय ३९ मत ल्याएर विजयी भइन् । उनकी निकटतम प्रतिद्वन्द्वी नेकपा एमालेका तर्फबाट माया कठायतले ५ सय ६२, नेकपा माओवादीका तर्फबाट प्रदेशनी चौधरीले ३ सय ३६ प्राप्त गरिन् ।
दलित महिला सदस्यमा काँग्रेसका तर्फबाट उम्मेदवार बाटुदेवी बि।क। १ हजार १ सय ६१ मतले विजयी हुँदा उनकी निकटतम प्रतिद्वन्द्वी नेकपा एमालेका तर्फबाट बिन्द्रा सुनारले ४ सय ९५, नेकपा माओवादी र समाजवादी गठबन्धनका तर्फबाट दलित महिला सदस्य मन्सरा भुलले २ सय १६ प्राप्त गरिन् । त्यस्तै खुल्ला सदस्यमा नेपाली काङ्ग्रेसका तर्फबाट टेकबहादुर बोगटीले १ हजार २० प्राप्त गरी विजयी हुँदा उनका निकटतम प्रतिद्वन्द्वी नेकपा एमालेका कृष्ण खडकाले ५ सय ६८, नेकपा माओवादी र समाजवादीका भानबहादुर साउँदले २ सय २२ प्राप्त गरे ।
खुल्ला वडा सदस्यमा नेपाली काङ्ग्रेसका तर्फबाट सियाराम चौधरीले १ हजार १ सय ३४ मत ल्याएर विजयी भए । उनका प्रतिद्वन्द्वी नेकपा एमालेका तुलसीराम चौधरी ४ सय ३१ र नेकपा माओवादीका धर्मराज जोशीले १ सय ५८ मत प्राप्त गरे । गौरीगंगा नगरपालिकाको नगर प्रमुखमा गठबन्धनका तर्फबाट नेकपा माओवादीका देवीदत्त कँडेल १ हजार ६० मतले विजयी भएका थिए । उनका निकटतम प्रतिद्वन्द्वीमा नेकपा एमालेका पदम सिंह सिङालले ६ सय ७७ मत प्राप्त गर्दा राष्ट्रिय प्रजातन्त्र पार्टीका सुवास कुँवरले २ सय ९८ मत प्राप्त गरे । त्यस्तै उप–प्रमुखका पदमा गठबन्धनका तर्फबाट नेपाली काङ्ग्रेसका भोजबहादुर बमले १ हजार १ सय ९५ मत प्राप्त गरी विजय हासिल गर्दा उनका निकटतम प्रतिद्वन्द्वी नेकपा एमालेका तर्फबाट शान्ति सिंह ५ सय २९ प्राप्त गरिन् भने राष्ट्रिय प्रजातन्त्र पार्टीका तर्फबाट कमला बोहराले ५९ मत प्राप्त गरिन् ।
