बाजुराःमाघ १८ कर्णाली करिडोर राजमार्गमा पहिलो पटक बस गुड्दा स्थानीय बासीखुसी भएका छन् । कर्णाली करिडोर राजमार्ग राम्रो भएपछि सुर्खेत काँक्रेविहार यातायात प्रालीको कर्णाली प्रदेशको ण्द्द(ख ण्ज्ञठट नम्बरको बस उक्त रोडमा गुड्न थालेको हो ।
कालिकोट जिल्लाको कालिका गाउँपालिका कालेखोला र खुलालु जोड्ने पक्कि पुल निर्माण पछी सुर्खेत देखि कर्णाली राजमार्गममा बस गुडाएको बस चालक सन्दिप लामिछाने बताए छन् ।
कालिकोटको नरहरी नाथ –८ खुलालु लालि घाट देखि बाजुरा जिल्लाको जगन्नाथ गाउँपालिकाको पिलुचौरमा बस पुगेको छ । उक्त ठाउँमा बस पुग्दा स्थानीयहरु खुसि हुदै बस चालक र बसका साउजी लाई फुलमालाले सम्मान गरेका छन् ।
बस चालक सहित चार जनाको टोली सडकको अवलोकन गदै हुम्ला जिल्लाको सरिल्ला पुग्ने बसका साउजी ओम प्रकाश तिवारीले बताएका छन् । उक्त करिडोरमा बस सेवा संचालन गर्नका लागि हामी चार जनालाई अवलोकन गर्न पठाएको बस चालकले बताए ।
यस भन्दा पहिले सो क्षेत्रमा ट्याक्टर ट्रक र जिप संचालन हुदै आइरहेका छन् । बाटो राम्रो भए पछि कानुनी प्रावधान अनुसार नियमित रुपमा बस सेवा संचाल गरिने बसका साउजी तिवारीले बताए।
सो क्षेत्रमा बस सेवा संचालन गर्दा स्थानीयहरुलाई सहजता हुने बताइएको छ । कर्णाली करिडोरमा जिप व्यवसायीहरुले लिने महङ्गो भाडाले गर्दा स्थानयीहरुलाई सास्थी खेप्नु परेको थियोे ।बस सेवा संचालन हुदाँ स्थानीयहरुले सस्तो भाडादरमा बसमा यात्रा गर्न पाउने भएका छन् ।