एक महिना हुदा पनि हराएका रमित अझैँ भेटिएनन्

धनगढी बैशाख २,धनगढी उपमहानगरपालिका–५ जाई बस्ने १३ वर्षीया बालक रमित कठायत आफ्नै घरबाट हराएको एक महिना वितिसक्दा पनि अझैं फेला परेका छैनन् ।
गत फागुन २९ गते साँझतिर आफ्नो भाइलाई बल खेल्न जान्छु भन्दै घरबाट निस्केका उनी अझै फेला पर्न नसकेको निजका वुवा सन्तोष कठायतले जानकारी दिए ।

पञ्चोदय माध्यमिक विद्यालयमा कक्षा ७ मा पढ्ने रमितको अरुको घरमा गएर बस्ने बानी नभएको तथा कुनै पनि कुलतमा नफसेको उनले बताए ।
उनले भने ‘सबै ठाउँमा खोजी सक्यौँ । अझैँ फेला परेका छैनन् । उनका साथीलाई पनि सम्पर्क ग¥यौँ । कहीँ कतै भेटिएनन् । कुनै कुलतमा पनि लागेका थिएनन् ।’ धेरै ठाउँमा खोज्दा पनि नभेटिएको र कसैले भेटेमा ९७६७६७१८५९ मा तथा नजिकको प्रहरी चौकीमा सम्पर्क गरि सहयोग गरिदिन उनले सबैमा आग्रह गरे ।