महादेव गिरी संवाददता
कैलाली भदौ ३१, एकल तीज नृत्य प्रतियोगितामा उत्कृष्ट नृत्य प्रस्तुत गरेर पल्लवी बिसी प्रथम बन्न सफल भएकीछन । लम्कीचुहा नगरपालिका वडा न.६ वडाको सहयोगमा विकशिल मूल समितिको आयोजनामा शनिबार वडा कार्यालयमा भएको तीज नृत्य प्रतियोगितामा आफ्ना प्रतिस्प्रधीलाई पछाडी पार्दै पल्लवी प्रथम बन्न सफल भएकीहुन ।
लम्कीचुहा नगरपालिका वडा न.६ चैनपुर बस्ने पल्लवी नृत्य प्रस्तुत गरेर समाजमा सम्मानित र पुरस्कृत हुँदै आएकीछन् । उनको आकर्षक नृत्यलाई सबैले रुचाउने गरेकाछन् । वडा कर्यालयले नै आयोजजा गरेको गतसालको तीज नृत्य प्रतियोगितामा पल्लवी तृतीय स्थान ल्याउन सफल भएकी थिईन् ।
लम्कीचुहा नगरपालिका कार्यपालिका सदस्य एवम् एकल तीज नृत्य प्रतियोगिताको समापन कार्यक्रमका प्रमुख अतिथि दिपा रावतले बधाई तथा शुभककामना दिदै अबिर, खादा लगाएर प्रमाणपत्र र पुरस्कार वितरण गरेकी थिईन् । प्रथम पुरस्कार पाउँदा आफूलाई निकै खुसी लागेको पल्लवीले बताईन् । उनले भनिन् –“ पहिलेको तीज नृत्य प्रतियोगितामा तेस्रो भएकी थिए । अबहुने नृत्य प्रतियोगितामा प्रथम हुने सोच राखेर मैले तयारी गरेकी थिए । तयारी गरे अनुसार प्रथम भई पुरस्कार पाउँदा आज म धेरै खुसी भएकी छु ।”
क्याम्ब्रिज ईङ्लिस बोर्डिङ स्कूल बलियामा कक्षा ६ मा अध्यनरत पल्लवी विद्यालयले आयोजना गर्ने कार्यक्रममा सधैं अग्रसर हुने गरेकीछन् । गाउँघरमा हुने कार्यक्रममा उनको अनिबार्य नृत्य रहने गरेको छ । पल्लवीको नृत्यलाई मन पराएर कार्यक्रमका दर्शकहरुले रुपैया पुरस्कार दिने गरेको समाजसेवी रती बिकले बताए । उमेरले सानो भएपनि व्यवहार निकै राम्रो रहेको उनले बताए ।
पल्लवीको प्रतिभा प्रशंसायोग्य छ र उनको नृत्यलाई सबैले मन पराउने गरेकाछन् । आजको नृत्य धेरै उत्कृष्ट रहेको थियो । गतसाल पनि म निर्णायक थिए अहिले पनि निर्णायक भूमिकामा थिए । गतसालको भन्दा अहिले नृत्यमा धेरै राम्रो विकास गरेर नै प्रथम भएको निर्मला बुढाले बताईन् । रचनात्मक काममा रुची भएपनि विशेष गरी नृत्यमा धेरै रुची राख्ने गरेको बुवा धनराज अविरलले बताए ।