गोदावरी नगरपालिका वडा नं. ८ फकलपुरमा स्वास्थ्य प्रवर्दनका सवालमा संचार विषयक कार्यक्रम सम्पन्न भएको छ । स्वास्थ मनस्थीति , स्वास्थ चिन्तन , सुर्तिजन्य ,मदिराजन्य तथा लागु औषध रहित स्वास्थ जिवनका बारे ग्रामिण क्षेत्रमा सचेतना सहित प्रशिक्षण गरिएको हो । सुदूरपश्चिम प्रदेश सरकार सामाजिक विकास मन्त्रालय प्रदेशिक स्वास्थ्य प्रवर्दन केन्द्रको आयोजनामा भएको कार्यक्रममा स्वास्थ्य सम्बन्धि विविध विषयमा छलफल गरिएको थियो । प्रादेशिक स्वास्थ्य पवद्र्धन केन्द्रका प्रमुख हेमराज खण्काले ग्रामिण क्षेत्रमा हुने विविध स्वास्थ्य समस्याकाबारे जानकारी गराउनु भएको थियो । कार्यक्रममा उहाँले थारु समुदायमा हुने सिकलसेल यनीमियाँका बारे जानकारी गराउनु भएको थियो । गाउँका भल्मन्सा, अगुवा , सिकलसेलका विरामिहरु को समेत कार्यक्रममा सहभागिता रहेको थियो । गाँउमा हुने सबैखाले स्वास्थ्य समस्या समाधानकोलागि र स्वास्थ्य चेतना फैलाउने उदेश्यले कार्यक्रम आयोजना गरिएको प्रमुख खण्काले बताउनु भयो । युवाहरु धेरै लागु औषधमा फसेका छन् कोहि जानेर त काहि नजानेर शिकार भएका छन् गाँउमा अझै चेतनाको कमि छ खण्काले भन्नु भयो” । यसै गरी उहाँले कोहि नपुगेको ठाँउमा प्रदेश सरकार पुग्ने गरेको बताउँदै यस्ता कार्यक्रम प्रदेशका ग्रामिण क्षेत्र केन्द्रित गर्ने बताउनु भयो । कार्यक्रममा प्रदेश सरकार सामाजिक विकास मन्त्रालयका राम चन्द्र जोशी , अत्तरिया नगरपालिकाका स्वास्थ्य शाखा प्रमुख , फकलपुर गाँउका अगुवा लगाएत सहभागि रहनुभएको थियो ।