महादेव गिरी
धनगढी जेठ २५, कञ्चनपुरको बेलौरी नगरपालीकामा १९ बर्ष मुनीको खुल्ला क्रिकेट प्रतियोगीता हुने भएको छ । राइजिङ्ग च्याम्पियन बेलौरी नगरपालीका वडा नम्बर ३ को आयोजनामा यहि जेठ २५ गते देखी २८ गते सम्म अण्डर १९ खुल्ला क्रिकेट प्रतियोगीता हुन लागेको हो । स्वास्थ्यका लागि खेलकुद राष्ट्रका लागि खेलकुद नाराका साथ बेलौरी वडा नम्बर २ को गोकुलपुर खेल मैदानमा उक्त खुल्ला क्रिकेट प्रतियोगीता हुन लागेको आयोजकले जनाएको छ ।
खुल्ला क्रिकेट प्रतियोगीता दुई चरणमा खेलाईनेछ । जेठ २५ गते हुने पहिलो गेम बिहान ६ बजे देखी ९ बजेसम्म विडसम एकेडेडमी भर्सेस भिभिएन बिच र दिउँसो साढे ३ देखी साँझ साढे ६ बजेसम्म राइजिङ सअउल र योङ्ग गन्सबिच हुनेछ । चार दिनसम्म सञ्चालन हुने खुल्ला क्रिकेट प्रतियोगीतामा प्रथम हुनेलाई १५ हजार नगद र द्धितीयलाई ट्रफि मेडल, प्रमाण पत्र तथा बेष्ट बलर तथा ब्याट्स म्यानलाई मेडल, प्रमाण पत्र बितरण गरिने छ ।
अन्डर १९ को खुल्ला क्रिकेट प्रतियोगीताको मुख्य प्रायोजकको रुपमा सफ्टवेव नेपाल प्राली धनगढी कैलाली रहेको बताइएको छ । सहयोगी संस्थाको रुपमा बेलौरी नगरपालीका वडा नम्बर २ र ३ को कार्यालय रहेको जनाइएको छ ।