धनगढीमा लालसलाम कप-२०८१ भलिवल प्रतियोगिता हुने


लेखक : सुन्दराञ्चल      चैत्र १४, २०८० मा प्रकाशित     
धनगढीमा लालसलाम कप-२०८१ भलिवल प्रतियोगिता हुने

धनगढी चैत १४, कैलालीको धनगढीमा लालसलाम कप–२०८१ क्याम्पस स्तरीय पुरुष भलिवल प्रतियोगिता हुने भएको छ । अनेरास्ववियु९क्रान्तिकारी० कैलाली जिल्ला समितिको आयोजनामा उक्त भलिवल प्रतियोगिता हुन लागेको हो ।

आयोजकले बुधबार धनगढीमा पत्रकार सम्मेलन गर्दै आगामी बैशाख १५ गतेदेखि प्रतियोगिता हुने जानकारी गराएको छ । प्रतियोगितामा प्रदेशभरीका ३० टिमको सहभागिता रहने अनेरास्ववियु९क्रान्तिकारी० कैलालीका अध्यक्ष शिवराज सञ्ज्यालले जानकारी दिए ।
प्रतियोगितामा प्रथम टिमलाई रु। १ लाख २५ हजार,द्धितीयलाई ८१ हजार र तृतीयलाई ५१ हजार एवं ट्रफि,मेडल र प्रमाणपत्र प्रदान गरिने उनले बताए ।

खेल भलिवल संघको नियम अनुसार खेलाइने,टिम दर्ता गर्दा खेलाडीको नाम अनिवार्य दिनुपर्ने,९ जना खेलाडीलगायत १ जना प्रशिक्षक र एक जना व्यवस्थापक गरि ११ जना हुनु पर्ने तथा खेलाडी सम्बन्धित क्याम्पसमा अध्ययनरत रहेको प्रमाण पत्र पेश गर्नुपर्ने आयोजकले जनाएको छ ।
टिम दर्ता समय आगामी बैशाख १ गतेदेखि १४ गतेसम्म रहने तथा दर्ता शुल्क रु।७ हजार रहेको आयोजकले जनाएको छ । प्रतियोगिता आगामी बैशाख २२ गतेसम्म धनगढी रंगशालामा हुने जनाइएको छ ।

Copy link
Powered by Social Snap