बैशाख १९ , १३६ औ अन्तराष्ट्रिय मजदुर दिवसको अवसरमा गोदावरी नगरपालिका वडा नं ३ स्थित उग्रतारा इँटा टायल उधोगमा रहेका मजदुरहरुको स्वास्थ्य परिक्षण तथा स्वास्थ्य सचेतना कार्यक्रम स्वास्थ्य कार्यालय कैलालीको आयोजनामा सम्पन्न भएको छ । उक्त उधोगमा रहेका मजदुरहरुको मधुमेह परिक्षण, ब्लडप्रेसर नाप, तौल मापन, पिसावमा प्रोटिन र सुगर जाँच, आयोडिन परिक्षण र शंकास्पद औलो परिक्षण, स्वास्थ्य परामर्श, अति आवश्यक भएकालाइ औषधीको व्यवस्थापन गरिएको थियो । कार्यक्रममा व्यवस्थापनका लागी तारा इँटा तथा टायल उधोग गोदावरी ३ मालाखेतीको रहेको थियो ।
अन्तराष्ट्रिय मजदुर दिवस २०८२ को नारा: श्रमको सम्मान गरौं । श्रमशक्ती नै राष्ट्रशक्ती हो । सन् १८८६ मा अमेरिकाको सिकागोमा ‘आठ घन्टा काम, आठ घन्टा मनोरञ्जन र आठ घन्टा आराम’नारासहित सुरु भएको मजदुर आन्दोलनको सम्झनामा विश्वभर श्रमिक दिवस मनाइन्छ । सो आन्दोलनको क्रममा सिकागोको हेय मार्केट भन्ने ठाउँमा बम विस्फोट भयो । सो बम विस्फोट कसले गराएको भन्ने नखुले पनि प्रहरीले आन्दोलनरत मजदुरमाथि व्यापक दमन गर्यो । प्रहरीको गोली लागि सात जना मजदुरको मृत्यु भयो । मजदुर आन्दोलनले अन्ततः सफलतासमेत हासिल गर्यो । सन् १८८९ मा फ्रान्सको पेरिसमा सम्पन्न विश्वका श्रम सङ्गठन एवम् श्रमिक नेताको बैठकले विश्व श्रमिक दिवस विश्वभर मनाउने निर्णय गरेको हो ।
त्यस यता सन् १८९० देखि हरेक वर्ष अङ्ग्रेजी महिनाको मे १ तारिखमा श्रमिक दिवस मनाउन सुरु गरियो । विश्वका मजदुरले यस दिवसलाई पर्वका रुपमा लिँदै आफ्ना हकअधिकारको सुनिश्चितताका लागि सरकार र रोजगारदातालाई दबाब दिने उद्देश्यले विभिन्न कार्यक्रम गरी मनाउँछन् । नेपालमा समेत मजदुर सङ्गठनले विभिन्न कार्यक्रम गरी यो दिवस मनाउने तयारी गरेका छन् । नेपालमा विराटनरगमा २००७ सालमा मजदुर आन्दोलनसँगै यो दिवस मनाइन थालिएको हो । विसं २०४६ को राजनीतिक परिवर्तनसँगै नेपालमा यो दिवसमा सार्वजनिक बिदा दिन थालियो । स्वास्थ्य कार्यालयले विभिन्न दिवसहरुमा यस्ता जनता संग प्रत्यक्ष सरोकार राख्ने नतिजामा आधारित कार्यक्रमा गरी मनाउने गरेको छ l