काठमाडौं माघ २० भारतका कमेडियन स्टार तथा बलिउड अभिनेता सुनिल ग्रोवर करियरको एउटा उचाईमा पुग्न सफल भएका छन् । उनी सफल अभिनेता सँगसँगै सफल कमेडियन पनि हुन् । तर, उनले यो स्थानसम्म आइपुग्दा जीवनमा धेरै संघर्ष गरेका छन् । एक भारतीय मिडियासँग कुराकानी गर्दै सुनिलले जीवन संघर्षका विषयमा खुलाएका थिए ।
सुनिलले भनेका छन्, ‘म सुरुदेखि नै राम्रो मिमिक्रि गर्थेँ । अभिनय गर्नु र मानिसलाई हसाउँनुमा मेरो रुचि थियो । म १२ कक्षामा हुँदा नाटकको प्रतिष्पर्धामा भाग लिएको थिएँ । मलाई प्रमुख अतिथिले उक्त प्रतिष्पर्धामा भाग लिएर अन्य प्रतिष्पर्धीका लागि इन्साफ नभएको बताएका थिए । मैले थिएटरमा मास्टर्स डिग्री हासिल गरेको छु । अभिनयकै लागि मुम्बई आएको हुँ ।’
उनले अगाडि भने, ‘पहिलो एक वर्ष मैले केही गर्न सकिन । मैले घरबाट पैसा मागेर गुजारा गरेँ । त्यो समयमा मेरो जम्मा ५०० रुपैयाँ तलब थियो । तर, मैले एकदिन टन्नै पैसा कमाउँछु होला भन्ने विश्वास लिएको थिएँ । तर, केही समयमा नै मलाई थाहा भयो मजस्ता कयौँ संघर्ष गरिरहेका थिए ।’
उनी भन्छन्, ‘म आफ्नो शहरको सुपरस्टार थिएँ । मसँग मुम्बई आएपछि न पैसा बचेको थियो न कमाई नै थियो । मेरा लागि त्यो समय निकै अप्ठ्यारो थियो ।’
संघर्षका दिनहरुका बारेमा कुरा गर्दै सुनिलले सुरुमा टेलिभिजन शोबाट निकालिएको बताए । उनले भ्वाइसओभरको काम पनि गरेको उल्लेख गरे । संघर्षगर्दा गर्दै जीवनमा आइपरेका हरेक दुखलाई पार गर्दै उनी यो स्थानमा आइपुगेकोमा आफूलाई भाग्यमानी ठान्छन् । एजेन्सी