काठमाडौं माघ ५, मौसम पूर्वानुमान महाशाखाका अनुसार हाल देशमा पश्चिमी वायुको प्रभाव रहेको छ ।
यति बेला सुदूरपश्चिम प्रदेशमा आंशिकदेखि साधारणतया बदली रही बाँकी भूभागमा मौसम मुख्यतया सफा रहेको छ । यस्तै देशको तराई भूभागमा हुस्सु/कुहिरो लागेको अवस्था छ ।
आज दिउँसो कोशी, मधेश, बागमती, गण्डकी र लुम्बिनी प्रदेशमा सामान्यतः मौसम सफा रहनेछ भने कर्णाली र सुदूरपश्चिम प्रदेशका हिमाली क्षेत्रमा आंशिकदेखि साधारणतया बदली भई एक-दुई स्थानमा हल्का हिमपातको सम्भावना रहेको छ ।