काठमाडौं १६ फागुन, नयाँ बानेश्वरस्थित संसद् भवन अगाडि प्रेस कुकर बम जस्तो देखिने शंकास्पद वस्तु फेला परेको छ । शंकास्पद वस्तु भेटिएपछि अहिले सुरक्षाकर्मीले घेरा हालेर राखेका छन् ।
आज एमसिसी अनुमोदनको विरोधमा ६ वटा कम्युनिष्ट संगठन र दुईवटा मोर्चाले नेपाल बन्दको आह्वान गरेका छन् । आज विप्लव नेतृत्वको नेपाल कम्युनिष्ट पार्टी, मोहन विक्रम सिंह नेतृत्वको नेपाल कम्युनिष्ट पार्टी (मसाल) र मोहन वैद्य ‘किरण’ नेकपा क्रान्तिकारी माओवादीलगायतले बन्दको आह्वान गरेका हुन् ।
संसद् भवन अगाडि फेला परेको शंकास्पद वस्तु पनि बन्दकर्ताहरूले राखेको हुनसक्ने प्रहरीको अनुमान छ ।