काठमाडौं माघ २५ संसद सचिवालयले बुधबार बस्ने प्रतिनिधिसभाको बैठकको सम्भावित कार्यसूची सार्वजनिक गरेको छ । सार्वजनिक भएको सम्भावित कार्यसूचीमा एमसिसी अनुमोदनका लागि पेस गर्ने विषय उल्लेख छैन ।
प्रतिनिधिसभाको बैठक बुधबार दिउँसो १ बजे बस्दै छ । उक्त बैठकमा प्रधानमन्त्री देउवाले एमसिसी अनुमोदनका लागि टेबल गर्ने तयारी गरे पनि सम्भावित कार्यसूचीमा राखिएको छैन ।
प्रधानमन्त्री देउवाले एमसिसी पारित गराउन चाहेको भए तापनि सत्ता साझेदार दलहरू एकीकृत समाजवादी र नेकपा माओवादी तयार छैनन् । माओवादी केन्द्रले यथास्थितिमा एमसिसी संसदमा पेस नहुने बताएको छ भने एकीकृत समाजवादी पार्टी मौन छ । यता जसपा एमसिसी पारित गर्नुपर्ने पक्षमा छ भने राष्ट्रिय जनमोर्चाले खारेज गर्नुपर्ने धारणा राख्दै आएको छ ।
