धनगढी चैत्र २०, नेपाल पत्रकार महासंघ कैलाली शाखाको आयोजनामा आयोजित पत्रकारको सुरक्षाको ग्यारेन्टी र पत्रकारहरुले पत्रकारिता गर्दा अपनाउनुपर्ने आचार संहिताको विषयमा छलफल गरेको छ ।
छलफल कार्यक्रममा बोल्दै नेपाल पत्रकार महासंघका केन्द्रिय सचिब बैकुन्ठ प्राजुलीले पत्रकारको सुरक्षा ग्योन्टीका लागि पत्रकार महासंघ सधै कटिबद्ध भएर लागि रहने बताए । जिल्लाका मिडियाहरुलाई बचाउन जिल्लाका स्थानीय निकायका बिज्ञापन जिल्लामा नै बितरणका लागि बिज्ञापन बोर्डसंग छलफल भएको र केही दिन भित्र निर्णय हुने उनले बताए ।
महासंघका पुर्व अध्यक्ष अर्जुन शाहले पत्रकारहरुले आचारसंहिता पालना नगरेर नै समाचार संप्रेषण गर्दा चुनौती थपिदै गएको बताए । त्यस्तै केन्द्रिय सदस्य सुरेश पन्तले पत्रकारको सुरक्षा ज्ञारेन्टीका लागी सरकारसंग महासंघ गभ्भिर भएर लागी रहेको बताए । कार्यक्रमको समापन नेपाल पत्रकार महासंघ कैलालीका अध्यक्ष श्रबण देउवाले गरेका थिए ।