महादेव गिरी धनगढी, चैत २९ । धनगढी उपमहानगरपालिका–२, कृष्ण नगरटोलमा ‘सिड्लिङ जोन मन्टेश्वरी स्कुल’ थप व्यवस्थापनसहित सञ्चालनमा आएको छ। शान्त वातावरणमा बालमैत्री शिक्षण प्रविधिको प्रयोग गर्दै मन्टेश्वरी स्कुलले निरन्तर रूपमा शैक्षिक सेवा सुरु गरेको हो।
२०७० सालमा अर्थात् छोटो समयमै सञ्चालनमा आएको स्कुल थप अनुभवी तथा दक्ष शिक्षक शिक्षिकाहरु समुहको साथमा सञ्चालनमा आएको प्रबन्ध्र निर्देशक तथा प्रिन्सीपल उदय प्रताप सिंहले जानकारी दिए। उनका अनुसार स्कुलले बालबालिकामा रहेको प्रतिभा पहिचान गर्दै जीवन उपयोगी शिक्षाको माध्यमबाट समुन्नत भविष्य निर्माणमा योगदान पु¥याउने लक्ष्य राखेको छ। बिद्यार्थी अभिभावक र शिक्षक बिच निरन्तर समन्वय,सहकार्य, सल्लाह सुझाब अनुसार अघि बढीरहेको उनको भनाई छ ।
आफु शिक्षा क्षेत्रमा ४० बर्ष योगदान पुराएको भन्दै अध्यक्ष सिंहले वर्तमान समयको मागअनुसार बालबालिकालाई केवल शैक्षिक प्रमाणपत्र मात्र नभई प्राविधिक ज्ञान र व्यवहारिक सीप प्रदान गर्नुपर्ने आवश्यकता औंल्याउँदै निकट भविष्यमा प्राविधिक शिक्षालाई समेत समेटेर स्कुललाई अझ व्यवस्थित बनाउने योजना रहेको बताए। प्रिन्सीपल उदय प्रताप सिंहको नेतृत्वमा सञ्चालित मन्टेश्वरी स्कुलले आगामी नयाँ शैक्षिक सत्रदेखि कक्षा २ सम्म पठन–पाठन सञ्चालन गर्ने तयारी गरेको छ। हाल स्कुलमा पाँच जना संस्थापक सञ्चालक समिति रहेका छन्। स्कुलमा हाल पिजी, नर्सरी, एलकेजी, युकेजी र कक्षा १ सम्म पढाइ हुँदै आएको छ।
स्कुलमा सात जना शिक्षक तथा शिक्षिका, ३ जना आया लगायत कर्मचारी छन् भने विद्यार्थी संख्या ७५ भन्दा बढी छन्। प्रिन्सीपल सिंहका अनुसार आवश्यक पूर्वाधार र जनशक्ति व्यवस्था गर्दै आगामी वर्षदेखि कक्षा २ सञ्चालनमा ल्याउने र भविष्यमा कक्षाहरू थप गर्दै लैजाने योजना रहेको छ।
विद्यालयमा विद्यार्थीहरूको सिकाइ सहज बनाउनका लागि प्रविधिमैत्री कक्षा कोठा,बेन्च डेक्स, कम्युटर,खेलकुद सामग्री, खेलकुद ग्राउण्ड, ल्याव, बस सेवा, सुरक्षित खानेपानी, शौचालय, एसि युक्त कक्षा कोठा, सिसी टिभी, खाजाका लागी क्यान्टिन, भान्सा कोठा तथा विभिन्न शैक्षिक सामग्रीको व्यवस्था गरिएको स्कुल प्रशासनले जनाएको छ। उनले कतिपय अभिभावकहरुले आफ्ना छोराछोरीको कियरीङ् गर्न नसक्ने अवस्थामा पनी ति बिद्यार्थीको लागी राम्रो ब्यवस्था गरिएको बताए । उनले बिभिन्न बिद्यालयमा र कतिपयले संस्कारको शब्द प्रयोगमा ल्याएपनी अनुसाशनसहितको संस्कार सिकाउने र अभिभावकलाई पनी बिद्यार्थीको रुची तर्फ अघि बढाउन समन्वय गरिरहेको बताए ।
तस्बिरहरु
