महादेव गिरी संवादाता,
धनगढी,असार २५,संस्कारसहितको आधुनिक शिक्षा दिइरहेको चैतन्य पाठशालाले शिक्षामा देखिएका अभावहरूको प्रत्याभूत परिपूर्ति गरिरहेको छ । बर्तमान शिक्षाले जागिरे उत्पादन गरिरहेको समयमा यो शिक्षालय संस्कारयुक्त मानवको निर्माणका लागि निर्मित साधना–शिविर हो ।
कैलालीको शिवनगरमा रहेको यो शिक्षालयमा एउटा आधुनिक स्कुलमा हुनुपर्ने सबै पूर्वाधार यसमा छन् । शिक्षालयको सैद्धान्तिक जग पूर्वीय अध्यात्मिक परम्परा हो, जहाँ सम्पूर्ण विश्वको कल्याणको कल्पना गर्न सिकाइन्छ ।
शिक्षालयका थप विशेषता
हामी बौद्धिक समृद्धिका साथसाथै मूल्य र चरित्रको विकासमा जोड दिन्छौँ ।
हाम्रा लागि शिक्षा जीवन मूल्यको बोध र विकास हो, फगत जागरिको सिढी होइन ।
पूर्वीय ज्ञानपरस्परासँगै हामी विश्वमा स्थापित वैज्ञानिक, प्राविधिक र सैद्धान्तिक ज्ञानको सम्यक सिकाइमा पनि विश्वास गर्छौं । हामीलाई थाह छ, आज हामीबाट दीक्षित विद्यार्थीले विश्व बजारसँग प्रतिस्पद्र्ध गर्नुपर्ने छ, र ऊसँग हार्ने समय अब छैन ।
यस विद्यालयमा विद्यार्थीका अगाडि आफूले थेग्नेभन्दा गहरुँगो, अनावश्यक किताबको बोझले भरिएको झोला बोक्ने बाद्यता छैन ।
समाज र समयसँग साक्षात्कार गर्नका लागि हामी विद्यार्थीलाई स्कुल हाताभन्दा बाहिर बजारमा, सडकमा, गाउँमा र बस्तीमा पठाउँछौँ, जहाँबाट उनीहरूले देश र समयको वास्तविक अनुहार पनि पढ्नेछन् ।
सङ्गीत, चित्रकला, नृत्य, सिर्जनात्मक लेखन र वक्तृत्व कला गरी पाँच भागमा विद्यार्थीलाई रुचीअनुसार वर्गीकरण गरिने छ, र ती विधामा विद्यार्थीलाई पछिसम्म, दिगो र व्यसायिक रूपमै उभिन सक्ने गरी प्रशिक्षित गराइने छ । आफूलाई रुची भनए पनि भाग लिनुपर्ने बाध्यताको अन्त्य गरिने छ ।
खेलकुद सकेसम्म सबैलाई अनिवार्य गरिने छ । यसबाट उनीहरूको स्वास्थ्य र शारीरिक विकासमा सकारात्मक प्रभाव पर्नेछ ।
हामी शिक्षकहरूको दक्षताको अभिवृद्धिका लागि निरत्नर तालिम र अभिमूखिकरणको कार्यक्रम सञ्चालन गर्नेछौँ ।
विद्यार्थीको विकासको सूचना स्कुलको बेबसाइटमा राखिने छ । र अभिभावकहरूले आफ्ना छोराछोरीको विकासको सूचकाङ्क घरैबाट हेर्न, र त्यसको आधारमा स्कुलसँग परामर्श गर्न सक्नुहुने छ ।
हाम्रो स्कुल हाताभित्र पूर्ण जैविक र विषदिरहीत खानको विक्री वितरण गरिने छ । विषाक्त खानालाई पूर्ण रूपमा निरुत्साहित गरिने छ ।
योग र ध्यानका कार्यक्रमहरू पनि यस शिक्षालयभित्र सञ्चालन गरिने छ ।
पढाइमा कमजोर विद्यार्थीका लागि अतिरिक्त कक्षाहरूको व्यवस्था पनि गरिने छ ।
स्कुल हातालाई स्वच्छ र हरियालीयुक्त राख्नका लागि परिसरभित्रै वृक्षारोपण, बगैँचाको विकास र सरसफाइका कार्यक्रमहरू निरन्तर रूपमा सञ्चलन गरिने छ, र यसमा विद्यार्थीको प्रत्यक्ष सहभागिताको व्यवस्था मिलाइने छ ।
हाम्रो स्कुल मध्यम आर्थिक अवस्थाका परिवारका बालबालिकका लागि लक्षित रहेकोले यो सर्वशुलभ र मितव्ययी आज पनि छ भोली पनि हने छ
