दशरथ चन्द बैतडी विद्यार्थी समाजको आयोजनामा संचालित ७ दिने उद्घोषण तालिम समापन


लेखक : सुन्दराञ्चल      जेष्ठ २८, २०८२ मा प्रकाशित     
दशरथ चन्द बैतडी विद्यार्थी समाजको आयोजनामा संचालित ७ दिने उद्घोषण तालिम समापन

धनगढी, २७ जेठ / दशरथ चन्द बैतडी विद्यार्थी समाज कैलालीले आयोजना गरेको ७ दिने निशुल्क उद्घोषण तालिम समापन गरिएको छ। विद्यार्थी समाजको आयोजनामा जेठ २० गते देखि सुरु भएको तालिम आज सहभागीलाई प्रमाणपत्र वितरण गर्दै समापन गरको दशरथ चन्द बैतडी विद्यार्थी समाज कैलालीकी सचिव करुणा चन्दले जानकारी दिइन्।

विद्यार्थीहरुको नेतृत्व तथा व्यक्तित्व विकासमा केही सहयोग गर्ने उद्देश्यले सुरु गरेको उद्घोषण तालिम कैलाली बहुमुखी क्याम्पसमा गरिएको थियो। समाजले ६० जना प्रशिक्षार्थीलाई निशुल्क उद्घोषण तालिम दिएर आज प्रमाणपत्र वितरण गरेको समाजकी अध्यक्ष सरस्वती महराले बताइन्।  ७ दिन सम्म प्रशिक्षक प्रेम विवस चन्दले  प्रशिक्षार्थीलाई तालिम दिएका थिए।

प्रमाणपत्र वितरण तथा समापन कार्यक्रमको अध्यक्षता विद्यार्थी समाजकी अध्यक्ष सरस्वती महरा, प्रमुख आतिथ्यतामा कैलाली बहुमुखी क्याम्पसका सहायक क्याम्पस प्रमुख तर्कराज भट्ट, बिशिष्ट अतिथिमा बैतडी समाज कैलालीका अध्यक्ष माया प्रकास भट्ट रहेका थिए।

यस्तै कार्यक्रममा विद्यार्थी समाजका निवर्तमान अध्यक्ष चेतन विक्रम चन्द, पुर्व महासचिव तथा कैलाली बहुमुखी क्याम्पस स्वतन्त्र विद्यार्थी युनियनका अध्यक्ष सन्तोष पन्त, प्रशिक्षक तथा पुर्व महासचिव  प्रेम विवस चन्द , स्ववियु उपसभापति कमलराज एडी, सचिव ओम प्रकास वस्ती , कोषाध्यक्ष धर्मराज तिमल्सिना र स्ववियु सदस्यहरु, सहभागी प्रशिक्षार्थी, र विद्यार्थी समाजका निवर्तमान तथा वर्तमान पदाधिकारीको उपस्थिति रहेको थियो।

दशरथ चन्द बैतडी विद्यार्थी समाज कैलाली बैतडी मूल घर भइ हाल कैलालीमा अध्ययनरत विद्यार्थीहरुको संगठन हो । विद्यार्थी समाजले विगत देखि विद्यार्थीका हक हितका लागि काम गर्दै आएको छ ।

 

Pachinko Crazy Timejak hrát demoCash Hunt ItaliaCash Hunt EspañaCrazy Time RTP infolive Crazy Time UKRoyal Reels NZATG app download
  • Facebook
  • Twitter
  • LinkedIn
  • More Networks
Copy link
Powered by Social Snap