कैलालीमा सिकलसेल एनिमिया रोगका बिरामी बढ्न थालेका छन् । तराई जिल्लाको आदिबासी चौधरी थारु समुदायमा देखिने यो रोगका बिरामी जिल्लामा वर्षेनी बढ्दै गएको स्वास्थ्य कार्यालय का नसर्ने तथा सिकलसेल सम्बन्धि रोगका श्रोत व्यक्ति मिनबहादूर धामीले जानकारी दिनु भयो । चालु आर्थीक वर्षमा थारु बाहुल्य क्षेत्रमा शिविरमार्फत असार नौ गते देखी संचालन भएको स्क्रिनिंग शिविरमा एक हजार दुई सय सतसट्ठी जनाको रगत परीक्षण गरिएको थियो । जसमध्य १४५ जनामा सिकलसेल वाहक ट्रेड देखा परेको धामीले जानकारी दिनु भयो । जिल्लाका आठ वटा पालिकाका ८ ठाउँमा शिविरमार्फत थारु समुदाय बाहुल्य क्षेत्रमा निःशुल्क रगत जाँच गरिएको र प्रदेश जनस्वास्थ्य प्रयोगशालामा कन्फर्म परीक्षणको लागी पठाईएको समेत उहाँले जानकारी दिनु भयो ।
सिकलसेल पुष्टि भएकाले जीवनभर उपचार गर्नुपर्र्ने हुन्छ । बाहक ट्रेड देखा परेकाले रोग सार्न सक्ने भएकाले महिला र पुरुषले विवाह गर्नुभन्दा पहिले रगत परीक्षण गर्नुपर्ने हुन्छ ।’ धामिले भन्नु भयो “महिला र पुरुष दुबै जना बाहक ट्रेड देखा परेकाले विवाह गर्दा बच्चाहरु रोगी जन्मन सक्छन् ।’
यो बंशानुगत रोग भएकाले सिकलसेल भएका आमा बुवाबाट जन्मेको सन्तानमा सर्ने बढी सम्भावना हुन्छ । ‘यो प्रायः थारु समुदायमा देखिने गरेको छ ।’ धामीले भन्नु भयो बंशानुगत रोग भएकाले दुबै जनामा सिकलसेल छ भने उहाँहरुबाट जन्मिने सन्ततीमा रोग सर्ने सम्भाना बढी हुन्छ ।’सिकलसेल भएका बिरामीको पूर्णरुपमा उपचार हुँदैन् । जीवनभर उपचार गर्नुपर्ने हुन्छ । रगत रिफ्रेसमेन्ट गरिराख्नु पर्ने हुन्छ ।’ सिकलसेल रोग लागेमा हाडजोर्नी दुख्ने,थकाइ लाग्ने,रक्त अल्पता हुने जस्ता समस्या हुने गर्दछन् । बाहक ट्रेड० भएका व्यक्तिमा खासै समस्या नदेखिने र देखिए पनि सामान्य हुने गर्छ ।चालु आवमै चौधरी थारु बाहुल्य क्षेत्र भएकाका अन्य पालिकामा पनि सिकलसेलको स्किनिङ्ग शिविर सञ्चालन गरिने धामीले बताउनु भयो । ‘ सरकारले सिलकलेल भएका बिरामीलाई १ लाखसम्मको उपचार गर्ने गरेको छ । ‘बिरामीले जीवनभर उपचार गर्नुपर्ने भएकोले एक लाखले नपुग्ने बताउने गरेको र सीपमुलक तालीम दिएर आयआर्जनका कार्यक्रम गरिदिएको भए उपचारसँगै जीविकोपार्जमा सहज हुने बिरामीले बताउने गरेका छन् ।