तनहुँ दमौली २२ फागुन,तनहुँ सदरमुकाममा लागेको आगो नियन्त्रण गर्न श्रम रोजगार तथा सामाजिक सुरक्षामन्त्री कृष्णकुमार श्रेष्ठ प्रभु एयरको हेलिकोप्टर लिएर दमौली पुगेका छन् ।
पानीसहितको हेलिकोप्टर लिएर आगलागी नियन्त्रणका लागि गएको मन्त्री श्रेष्ठको प्रेस सल्लाहकार तेजप्रसाद वाग्लेले जानकारी दिए । तनहुँ मन्त्री श्रेष्ठको गृहजिल्ला पनि हो । दमौली बजारको भोर्लेटार चोकमा आगलागी भएको छ ।
भुपाल हार्डवेयर र ज्योति हार्डवेयरमा बिहान करिब १० बजेदेखि आगलागी भएको हो । आगो अझै नियन्त्रणमा आउन सकेको छैन ।