धनगढी १५ भाद्र । सेती प्रदेशीक अस्पतालमा गरिएको कोरोना परिक्षणमा मंगलबार १ जनामा कोरोना संक्रमण पुष्टि भएको छ ।बितेको २४ घण्टामा १३ नमूनाको कोरोना परिक्षण गरिएकोमा १ जनामा संक्रमण पुष्टि भएको हो । अस्पतालका सूचना अधिकारी दिलिप कुमार श्रेष्ठका अनुसार पछिल्लो २४ घण्टामा अस्पतालमाउपचाररत १ कोरोना संक्रमित निको भएर डिस्चार्ज भएका छन यस्तै २ जना नयाँ भर्ना भएका छन । हाल अस्पतालमा ११ जना कोरोना संक्रमित उपचाररत रहेका छन । जसमध्ये ५ जनाको आईसियु र २ जनाको भेन्टिलेटरमा उपचार भईरहेको अस्पतालले जनाएको छ ।