धनगढी,चैत २५ । सुदूरपश्चिम प्रदेशको राजधानी धनगढीमा आजबाट फारवेष्ट ट्राभल मार्ट सुरु भएको छ ।पर्यटकीय सम्भावनाको उजागर, बजारीकरण गर्ने र पर्यटन विकासमा टेवापुय्राउने उद्देश्यले मार्ट आयोजना गरिएको हो । मार्टको आयोजनामा रुबस होटलमा आज एक कार्यक्रमकाबीच संस्कृति, पर्यटन तथा नागरिक उड्डयनमन्त्री प्रेम आलेले उद्घाटन गरे ।
सोही क्रममा उनले सुदूरपश्चिमको धनगढीमा नेपाल पर्यटन बोर्डको कार्यालय स्थापनाले पर्यटन विकास गर्न मार्गदर्शन प्राप्त भएको बताए ।नेपाल पर्यटन बोर्ड र धनगढी उपमहानगरपालिकाको आर्थिक सहयोगमा नाट्टा सुदूरपश्चिम धनगढीस्थित रुबस होटलमा मार्ट आयोजना गरेको हो । सो मार्टमा नेपाल–भारतका सरोकारवालाहरुको सहभागिता रहेको छ ।