शुक्रबार सेती प्रयोगशालामा २४ जनामा कोरोना पुष्टि, २ जनाको मृत्यु


लेखक : सुन्दराञ्चल      साउन २२, २०७८ मा प्रकाशित     
शुक्रबार सेती प्रयोगशालामा २४ जनामा कोरोना पुष्टि, २ जनाको मृत्यु

धनगढी, २२ साउन । शुक्रबार सेती प्रादेशिक अस्पतालको प्रयोगशालामा २४ जनामा कोरोना भाइरस परीक्षण पुष्टि भएको छ ।

उक्त प्रयोगशालामा १२१ नमूनाको परीक्षण गर्दा २४ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए ।

यस्तै ९७ जनाको रिपोर्ट निगेटिभ आएको छ । पछिल्लो २४ घण्टामा अस्पतालमा २ जनाको मृत्यु भएको छ । हाल अस्पतालमा २९ जना संक्रमित उपचाररत छन । मृत्यु हुनेमा डोटीको शिखर नगरपालिका वडा नम्बर ३ की ६५ बर्षिया एक वृद्ध र डोटीकै दीपायल सिलगढी नगरपालिका १ का ३३ बर्षीय पुरुष रहेको अस्पतालले जनाएको छ ।

  • Facebook
  • Twitter
  • LinkedIn
  • More Networks
Copy link
Powered by Social Snap