जेठ १० बझाङ, बझाङकोको जयपृथ्वी नगरपालिका वडा नं १० चैनपुरमा रहेको लक्ष्मी लघुवित्त वित्तीय संस्था लिमिटेडले मृत्यु भएकी सदस्यको परिवारलाई बीमा वापतको रकम हस्तान्तरण गरेको छ ।
मंगलबार संस्थाले जय पृथ्वी नगरपालिका–९ की मृतक सदस्य दुर्गा माया मगरका श्रीमान भक्त बहादुर मगरलाई ६ लाख ५० हजार रकमको चेक हस्तान्तरण गरेको हो ।
कार्यक्रममा बोल्दै संस्थाको शाखा प्रबन्धक सुमन रानाले समाजमा लघुवित्त संस्थाका विषयमा गलत प्रचार भईरहेपनि वास्तवमा यस्ता संस्थाहरुले समुदाय स्तरमा धेरै सहुलियत पुर्याउँदै आएको बताउँदै वित्तीय क्षेत्रको सुधार ,वित्तीय अनुशासन , कर्जा सदुपयोग ,बचत को महत्त्व तथा आवश्यकता, प्रबिधी मैत्री पारदर्शी कारोबार ,कर्जा बिमाको महत्त्व र बैंकिङ प्रणाली जस्ता विभिन्न वित्तीय ज्ञानहरुको बारेमा जानकारी गराईएको थियो।
संस्थाको कर्मचारीले मृतक परिवारको घरसम्म पुगेर सहयोग रकम हस्तान्तरण गरेकोमा संस्थाप्रति मृतक को परिवार र केन्द्रका सदस्यहरूले धन्यवाद दिएका थिए ।
सो संस्थाको चैनपुर शाखामा आवद्ध ७ जना ऋणी सदस्यको मृत्यु भएको र ४४ लाख रकम भुक्तानी गरेको संस्थाका शाखा प्रबन्धक सुमन रानाले जानकारी दिए ।