बाजुराको स्वामीकार्तिकमा मतदान जारी, सुरक्षा व्यवस्था कडा

मुख्य निर्वाचन अधिकृतको कार्यालय स्वामिकार्तिकका अनुसार बिहान सवा ७ बजे मतदान सुरु भएको हो । बिहानैदेखि मतदानस्थलमा मतदान गर्ने मतदाताको लाइन लागेको छ । जिल्लाको एक पालिकामा मात्रै उपचुनाव हुन लागेकाले यसलाई जिल्लामै महत्त्वका साथ हेरिएको छ ।उपचुनावका लागि ९ वटा मतदान केन्द्र तोकिएको छ । बाजुराको स्वामिकार्तिक खापर गाउँपालिका उपाध्यक्ष पदका लागि हुने उपचुनावमा ७ हजार ६० मतदाताले आफ्नो मताधिकार प्रयोग गर्दै छन् ।