महादेव गिरी संवाददाता
धनगढी मंसिर २९,चैतन्य इन्स्टिच्युट फर रिसर्च एण्ड डेभलपमण्ट शिवनगर धनगढीको आयोजनामा पूर्व प्राथमिक तहका शिक्षकका लागि तालिम आजदेखी धनगढीमा सुरु भएको छ । चैतन्य इन्स्टिच्युट फर प्रारम्भिक शिक्षाका विषयमा शिक्षक शिक्षिकाहरुका लागि तालिम सुरु भएको हो । चैत
न्य रिसर्च एण्ड डिभलोम्यनेट सेन्टरले धनगढीमा अध्यापन गराइरहेका शिक्षक, शिक्षिकाहरूका लागि दुई दिने तालिमको आयोजना गरेको हो ।
चैतन्य रिसर्च एण्ड डिभलोम्यनेट सेन्टरका अध्यक्ष डा, हेमराज पन्तको अध्यक्षयतामा भएको तालिमको उद्घाटन सुदूरपश्चिम प्रदेशका प्रमुख सचिव डा।हरी लम्सालले गरे ।
सो अवसरमा बोल्दै प्रमुख सचिव डा।लम्सालले अहिलेको शिक्षा विग्रदै गइरहेको बताए । उनले प्रविधिको युग भएपनि शिक्षा क्षेत्र झन् खसकिदो अवस्थामा रहेको बताए । कयौँ व्यक्तिहरू शिक्षा पेशामा लागेको भएपनि शिक्षाप्रति लगाव नै नभएको उनको भनाइ छ ।
शिक्षामा लगाव बढ्न सक्यो भने गुणस्तरीय शिक्षा दिन सकिने उनले बताए ।
उनका अनुसार शिक्षा पेशामा लागेकाहरूले इमान्दारी पूर्व काम गर्न सके भने शिक्षामा ठुलो उपलब्धि हुने उनको विश्वास छ । शिक्षाको सुधारका लागि सुदूरपश्चिमको कैलाली लगायतका अन्य जिल्लाका विद्यालयहरुले पनि यस प्रकारका तालिम सञ्चालन गर्न आवश्यक रहेको चैतन्यका सिईओ गणेशप्रसाद जोशीले बताए । शिक्षाको सुधारका लागि माथिल्लो तह भन्दा पनि तल्लो तहमा बढी जोड दिन आवश्यक रहेको उनले औल्याए ।
तालिममा धनगढीका ६ वटा निजी विद्यालयका शिक्षक, शिक्षाकाहरु सहभागी छन् । तालिमको सहजकर्ता काठमाडौँ विश्व विद्यालयकी प्रोग्राम संयोजक डा।मिनाक्षी दाहाल र सुस्मा दाहाल रहेका छन् । भने
चैतन्य पाठशाला स्कुलका सहायक प्रिन्सिपल कटकबहादुर सिंहले सञ्चालन गरेको कार्यक्रममा स्वागत मन्तव्य चैतन्यका सिई ओ गणेशप्रसाद जोशीले राखेका थिए ।
