धनगढी १८सुदुरपश्चिम प्रदेशका सामाजिक विकास मन्त्री मेघराज खण्काले देशमा लोकतन्त्रको प्राप्तिले व्यवसायीहरुले खुलेर व्यापार व्यवसाय तथा संघ संगठन निर्माण गर्ने अवशर प्राप्त गर्न सकेको बताउनु भएको छ । उहाँले व्यापारी व्यवसायीहरु संगठनमा आवद्ध भएर व्यवसायीको हक हितमा काम गर्न सक्नु र आप्ना समस्याहरु सरकार समक्ष खुलेर राख्न सक्नहुनु नै लोकतन्त्रको ठुलो उपलव्धि भएको बताउनु भयो । नेपाल पुस्तक तथा स्टेशनरी व्यवसायी संघ कैलालीको धनगढीमा शनिबार सम्पन्न संघको १६ औं वार्षिक साधारण सभा तथा ८ आठौं अधिवेशनलाई सम्बोधन गर्दै मन्त्री खण्काले यस्तो बताउनु भएको हो । उहाँले विगतको जस्तो समयमै पुस्तकहरु नपाउने जस्ता समस्या अन्त्य भई सकेको हात हातमा पुस्तक भएर पनि मानीसहरु पुस्तक पढ्नुको साटो सामाजिक सञ्जालमा बढी व्यस्त हुनेगरेको बताउनु भयो । यसैगरी संघको भेलाले अध्यक्षमा नर बहादुर नेगी सहित सम्पुर्ण कार्यसमिती निविरोध निर्वाचित गरेको छ । यसैगरि संघको बरिष्ठ उपाध्यक्षमा निम प्रसाद मिश्र, उपाध्यक्षमा बिबेकानन्द ठाकुर, सचिवमा कृष्ण प्रसाद पण्डित र कोषाध्यक्षमा घनश्याम ओझा निर्बिरोध चयन भएका छन । त्यस्तै संघको सदस्यहरुमा बासुदेव रेग्मी, गौबिन्द प्रसाद अवस्थि, अनिल झा, इशु आचार्य र पुष्पा ऐरी निर्वाचित भएको निर्वाचन अधिकृत मोहन बताउनु भयो । अध्यक्ष भिम पडालको अध्यक्षतामा भएको संघको साधारण सभाले नयाँ नेतृत्व चयन गरेको छ ।
