कार्तिक ३०,युनिसेफको आर्थिक सहयोगमा सशक्त महिला समृद्घ नेपाल कार्यक्रम अन्तरगत धनगढी उप महानगरपालिकाका प्रमुख प्रशासकिय अधिकृत नरेन्द राज खाती लगायत जन गुनासो सुनाइ व्यवस्थापन समिति, विभिन्न शाखा प्रमुख र वडा अध्यक्षको सहभागितामा नागरिकको जनगुनासको व्यवस्थापन र सशक्त महिला समृद्घ नेपाल कार्यक्रम सम्बन्धी १ दिने अभिमुखिकरण कायक्रम सम्पन्न भयो ।
कार्यक्रमको अध्यक्षता निड्स नेपालका अध्यक्ष दुर्गा खरेलले गर्नुभएको थियो ।
कार्यक्रममा स्वागत मन्तव्य सशक्त महिला समृद्घ नेपाल कार्यक्रमकी सुदुर पश्चिम प्रदेश संयोजक युन ओमेनकी प्रदेश संयोजक प्रतिभा चौधरीले गर्नुभयो ।
कार्यक्रममा युनिसेफका सामाजिक नीति अधिकृत प्रकाश आर्चायले धनगढी उप महानगरपालिकाले जन गुनासो व्यवस्थापन सम्बन्धी राम्रो कामको थालनी गरेको र यसबाट अन्य पालिकाले पनि सिक्नुपर्ने धारणा व्यक्क्त गर्नुभयो । निड्स नेपालका कार्यकारी निर्देशक भव राज रेग्मीले जनगुनासो सुनाइ व्यवस्थापनले जनतालाई दिने सेवा सुविधालाई चुस्त दुरुस्त बनाउने जनता प्रति सरकार बढि उत्तरदायी हुने भएकोले यसको प्रभावकारी कार्यान्वयनमा विशेष ध्यान दिनुपर्ने र निड्स नेपाल यसको लागि हातेमालो गर्न तयार रहेको जानकारी दिनु भयो । श्रोत व्यक्ति अधिवक्ता तेज राज उपाध्याले जनगुनासको अवधारणा, कानूनी आधार, नेपालको सन्दर्भमा यसको अवस्था र धनगढी उप महानगरपालिकाको जनगुनासो सुनाइ व्यवस्थापन कार्यविधि २०७९ बारेमा सहजीकरण गर्नुभएको थियो ।
कार्यक्रमको संचालन परियोजना संयोजक मिन शाहीले गर्नु भएको थियो ।
धनगढी उप महानगरपािलकाले नमस्ते मेयर जनगुनासको सुनाइ व्यवस्थापन कार्याविधि २०७९ बनाई यसलाई प्रभावकारी रुपमा कार्यान्वयन गरेको पाइयो । जन गुनासोलाई टोल फ्रि नम्बर, एसएमयस, वाट्सएप, इमेल, वेवसाइडबाट जनगुनासो आउने गरेको र जनगुनासोलाई तत्काल सम्बोधन गर्ने गरेको पाइयो । धेरै जसो गुनासा सिधै मेयरकहा जाने र त्यसको समाधानका लागि मेयर आफैले सकृय भएर गर्ने गरेको पाइयो । यस कार्यक्रमले जनगुनासो व्यवस्तापनमा ठूलो सहयोग पुग्ने र आगामी दिनमा यसलाई निरन्तरता दिनु पर्ने धारणा सचिवालय प्रमुख कृपाराम उपाध्याले व्यक्त गर्नु भयो ।
जनगुनासो व्यवस्थापनमा धनगढी उप महानगरपालिका अगृणी रुपमा रहेको र जनगुनासो सुनाइ व्यवस्थापनमा विशेष चासो दिएको परिपेक्षमा यस कार्यक्रमले थप उर्जा दिएको जानकारी प्रमुख प्रशासकिय अधिकृतले व्यक्त गर्नुभयो । धनगढी उप महानगरपालिका वडा नं ११ का वडाध्यक्ष रुप बहादुर कुवरले पनि यो कार्यक्रम एकदमै प्रभावकारी भएको र यसले जनगुनासो व्यवस्थापनमा महत्वपुर्ण भूमिका खेल्नेमा पूर्ण आशावादी रहेको कुरा व्यक्क्त गर्दै निड्स नेपाललाई धन्यवाद दिनुभयो । कार्यक्रममा सहभागिता करिब ३० जनाको सहभागिता रहेको थियो ।