धनगढी फागुन १० ,धनगढी उपमहानगरपालीका १ बुद्ध मार्गमा रहेको हिल वल्र्ड इंङ्गलिस वोडिंङ हाईस्कुलले २० औँ बार्षिकोत्सव तथा अभिभावक दिवस मनाउने भएको छ । हाईस्कुलले भोली आईतबार २० औँ बार्षिकोत्सव तथा अभिभावक दिवस भब्य रुपमा मनाउन लागेको आज पत्रकार सम्बेलन गरी जानकारी दिएको हो । स्कुलका प्रिन्सिपल डि।आर शर्माले गुणस्तरीय शिक्षा र विद्यार्थी केन्द्रीत शिक्षा २१ औं सताब्दीको मागलाई आवश्यकता र विदेशका शिक्षण सस्थाहरुको अवलोकन र अनुभवलाई आत्मसाथ गर्दै २०६१ साल वैशाख २ गते स्कुल स्थापना गरीएको बताए । अभिभावकहरुको माया र विश्वासले कक्षा ८ को जिल्लास्तरीय र एसईई परीक्षमा उल्लेखनिय र प्रभावकारी नतिजा ल्याउन सफल भएको उनको भनाई छ । आगामी दिनमा आफ्नो पेशाप्रती इमान्दारी पुर्वक संस्थालाई अझ प्रभावकारी बनाउने योजना रहेको बताएका छन् ।
स्थापना कालमा मै पहिलो वर्ष ३५ जना विद्यार्थी वाट सूरुगरीएको विद्यालयमा हाल ५ सय ५० जना विद्यार्थी रहेका छन् ।आवासमा पनि सुदूरपश्चिमका पहाडी जिल्लाबाट आएका ३५ जना विद्यार्थी लाई निम्न शुल्कमा सन्तुलित भोजन तथा आवासको ब्यवसायी गरिएको बताए । १० कक्षा सम्म पढाई हुने स्कुलमा राम्रो शैक्षिक बाताबरण खानेपानी, कम्युटर ल्याब पुस्तकालय लगायतको ब्यवस्था रहेको छ ।
साथै विद्यालयमा अध्ययन गरिसकेका धेरै विद्यार्थीहरु डक्टर, ईन्जीनियर सिए भैसकेर सेवा पुराइरहेको बिद्यालय ब्यवस्थापन समिती अध्यक्ष भोज बहादुर बलमे बताएका छन् । साथै बिद्यार्थी, अभिभावक लगायत सम्पुर्णलाई बार्षिकोत्सव समारोहमा सहभागी भैदिन आग्रह समेत गरेका छन् ।
