धनगढी असोज १०– ठाउँ ठाउँमा पहिरोले सडक अवरुद्ध भएपनि बाजुराको स्याउ कर्णाली र लुम्बिनी प्रदेश घुम्दै धनगढी आइपुगेको छ ।
स्वामिकार्तिक गाउँपालिकाका स्याउ किसान तथा व्यापारी प्रेम कट्टेलले बाटो बारीमै स्याउ कुहिन थालेको किसान बताए । उनले तल्लोभेगमा उत्पादन भएको स्याउ सकिएको बताउँदै माथिल्लो भेगमा फलेका स्याउ निकाल्ने बेलासम्म बाटोको पहिरो नहटाइएकोले स्याउ ढुवानीमा समस्या भएको बताए । उनले बाटो नबनेकै कारण ट्रक जान सक्ने ठाउँसम्म लेबर लगाएर स्याउ ढुवानी गरेको बताए ।
हरेक वर्ष बाजुराको स्याउ ढुवानी र ग्रेडिङ्गमा सहयोग गर्दै आएको कृषि ज्ञान केन्द्र बाजुराले बजेट ढिलो पारित भएको हुँदा किसानलाई कुनै सहयोग गर्न सकेको छैन । बाजुराकै किसान सहबीर विकले यसपाली स्याउ ढुवानीमा सरकारी सहयोग नपाइएको बताए । उनले प्रधानमन्त्री कृषि आधुनिकरण परियोजनाले स्याउ जोन बाजुराको स्याउ प्याकिङ्गको लागि कार्टुन सहयोग गरेको बताए ।