महादेव गिरी संवाददाता
धनगढी माघ १८, धनगढी वडा नम्बर–५ शिवनगरस्थीत चैतन्य पाठशालामा सञ्चालन भैरहेको चैतन्य स्ट्रिम वर्कसपमा सबै विधार्थीहरूमा ओरिन्टेसन र विभिन्न क्याम्प हरु निर्माण गरी वर्गीकरण गरिएको छ ।
यही माघ १६ गते उद्दघाटन भएको चैतन्य स्टिम वर्कशप २०८० मा पहिलो दिन वर्कशपमा गरिने सबै विधार्थीहरूमा ओरिन्टेसन र विभिन्न क्याम्पहरु निर्माण गरी वर्गीकरण गरिएको आयोजकले जनाएको छ । यस्तै दोस्रो दिनबाट रोबोटिक्स क्याम्प सेटेलाइट क्याम्प रकेट क्याम्प र एस्ट्रोनोमी क्याम्पको काम सुरुवात भएको छ ।
वर्कसपमा रकेट क्याम्पबाट रकेट तयार गरिएको र एस्ट्रोनोमी क्याम्पमा सम्पूर्ण थेउरीटिकल कुराहरू सकिएर अब टेलिस्कोप बाट विभिन्न ग्रहहरू उपग्रहहरु अवलोकनको तयारी भइरहेको कार्यक्रम संयोजक बिन्दास बमले बताएका छन् । उनका अनुसार रोबोटिक्स र सेटेलाइट क्याम्पमा काम अगाडि बढिरहेको छ।
भोलि बाट अविएसन र एआई का क्याम्पहरु सञ्चालनमा आउने बताइएको छ । चैतन्य पाठशाला साइन्स र रोवोटिस विभागका विद्यार्थीहरुको आयोजनामा आज माघ १६ देखी २२ गतेसम्म स्ट्रिम वर्कसप सञ्चालन भैरहेको छ ।
स्ट्रिम वर्कसप कार्यक्रममा विभिन्न ११ ओटा विद्यामा एक हप्तासम्म वर्कसप कक्षा चलाउने र महत्वपूर्ण आकर्षणको रूपमा रिमोट कन्ट्रोलबाट प्लेन पनि उडाउने योजना छ ।
यस्तै कार्यक्रमका आकर्षणका रूपमा कृत्रिम बुद्धिमत्ता शिविर, रकेट विज्ञान शिविर, खगोल विज्ञान शिविर रहने छन् । यस्तै रोबोटिक्स शिविर, उड्डयन शिविर, उपग्रह शिविर, ड्रोन प्रदर्शन, भौतिक विज्ञानको जादु, रोमाञ्चक पुरस्कार सँग खेल सिकाई, वैज्ञानिक हार्डवेयर प्रदर्शनी ९टेलिस्कोप, थ्रिडी प्रिन्टर, रकेट० रहने छन् । चैतन्य पाठशालाका प्रधानाध्यापक कटक बहादुर सिहँले बिद्यार्थीलाई शिक्षासँगै कला र संस्कृतिको मूल्य मान्यता बिद्यार्थीहरुमा जागृति गराउने र दक्ष, क्षमता वान, अब्बल विद्यार्थी उत्पादन गर्ने उद्देश्य रहेको बताएका छन् ।
