काठमाडौं ४ माघ, । पश्चिम जर्मनीको एउटा गाउँमा कोइला खानीको विस्तारको विरोध गरिरहेकी स्विडेनी जलवायु अभियन्ता ग्रेटा थनबर्गलाई प्रहरीले पक्राउ गरेको छ ।
प्रहरीले उनी लगायत अन्य प्रदर्शनकारीलाई मंगलबार पक्राउ गरेको समाचार संस्था एपीले जनाएको छ । पक्राउपछि उनी जलवायु अभियन्ता भएको खुलेपछि रिहा गरिएको प्रहरीले जनाएको छ ।
जर्मन समाचार एजेन्सी डीपीएका अनुसार प्रहरीले प्रदर्शनकारीलाई अवरोध रोक्न आग्रह गरेको थियो । प्रदर्शनकारीहरूले अनुरोध नमानेपछि पक्राउ गरी हिरासतमा लिइएको प्रहरीले स्पष्ट पारेको छ । प्रदर्शन बढेपछि प्रहरीले गाउँलेलाई नै हटाएर गाउँ सिल गर्दै खानी बिस्तारको काम गरिरहेको छ ।
प्रशासनको यही कदमको विरोधमा ग्रेटा थनबर्ग स्विडेनबाट जर्मनी आएकी हुन् । उनी मंगलबार लुएत्जेराथ नजिक आयोजित विरोध प्रदर्शनीमा सहभागी भएकी थिइन् ।समाचार संस्था एपी