काठमाडौं । नेपाली कांग्रेसको महधिवेशन नजिकिएसँगै विभिन्न पदमा उम्मेदवारी घोषणा गर्ने क्रम जारी छ । यसैक्रममा नेपाली कांग्रेसका केन्द्रीय सदस्य कल्याण गुरुङले आगामी महाधिवेशनमा सभापतिको उम्मेदवारी घोषणा गर्ने बताएका छन् । बुधबार नेता गुरुङले उम्मेदवारी घोषणा गर्न लागेको लोकपथलाई जानकारी दिए । काठमाडौंको अनामनगरस्थित युनियन हाउसमा एक कार्यक्रमकाबीच उम्मेदवारी घोषणा गर्न लागेका हुन् ।‘बुधबार दिउँसो साढे २ बजे मैले औपचारिक रुपमै सभापतिको उम्मेदवारी घोषणा गर्न लागेको छु ।’ उनले लोकपथसँग भने । यसअघि पार्टी उपसभापति विमलेन्द्र निधिले नयाँ वानेश्वरस्थित थापागाउँको एक पार्टी प्यालेसमा सभापतिको उम्मेदवारी घोषणा गरेका छन् । त्यसैगरी सोमबार केन्द्रीय सदस्य गगनकुमार थापाले महामन्त्रीको उम्मेदवारी घोषणा गरेका छन् ।