बझाङ्ग, भदौ ३० । बझाङ्गको छविसपाथिभेरा गाँउपालिकास्थित अस्पतालको संरचना तथा उपकरणहरु यतिबेला कवाडीमा परिणत भएका छन् ।
विदेशी दाताको सहयोगमा स्थापना भएको अस्पताल कर्मचारी अभावमा बन्द भएपछि स्थानीयलाई उपचारमा समस्या भएको छ भने लाखौ मुल्यको संरचना तथा र उपकरणहरु कवाडीमा परिणत भएका हुन् ।
२०६६ सालमा जापानी राजदुतावासको ६१ लाख ५० हजार तत्कालिन ब्याँसी गाँउ विकास समितिको ७० हजार र मटेला गाँउ विकास समितिको ३ लाख र स्थानियको ५० लाख भन्दा बढी जन श्रमदान बाट निर्माण भएको जिवली स्थित डोब्रा सामुदायिक अस्पतालमा गएको ५ वर्ष देखी बन्द भएको हो ।
अस्पतालमा काम गर्नका लागी कर्मचारी एक जना पनि नभएपछि अस्पताल बन्द भएको हो । अस्पताल बन्द भए पछि छविस पाथिभेरा गाँउपालिकाका तत्कालिन ८ गाविसका बासिन्दालाइ सामान्य स्वास्थ्य उपचारको लागी पनि हजारौ खर्च गरेर सदरमुकाम धाउनु पर्ने बाध्यता आइलागेको छ ।