कञ्चनपुर १६ भाद्र । कञ्चनपुरमा एक घरमा आगलागी भएको छ । जिल्लाको शुक्लाफाँटा नगरपालिका–१२ कालागौंडीका रामप्रसाद रानाको घरमा आगलागी भएको हो ।
मंगलबार राति भएको आगलागीमा करिब आठ लाख रूपैयाँ क्षति भएको छ । टुकीबाट आगो सल्किएर आगलागी भएको हो ।
आगलागीबाट घरको काठसहित अन्न, फर्निचर, लुगाकपडा‚ महत्वपूर्ण कागजपत्र, गहना सबै जलेर नष्ट भएको वडा अध्यक्ष बाले रानाले बताए । पीडित परिवार अहिले आफन्तको शरणमा बसेका छन् ।