अछाम, १७ भाद्र । अछाम जिल्लामा २ ओटा जिप र मोटरसाइकल एक आपसमा ठोक्किँदा ३ जना घाइते भएका छन्।
मध्य पहाडी लोकमार्गमा पर्ने ठुलासैन बजार नजिकै र चौरपाटी गाउँपालिको चौखुट्टेमामा जिप र मोटरसाइकल एक आपसमा ठोक्किँदा ३ जना घाईते भएका छन्।
जिल्ला प्रहरी कार्यालय अछामले दिएको जानकारी अनुसार सदरमुकाम मंगलसेन नगरपालिका वडा नम्वर ६ ठुलासैन नजिकै दुर्घटना हुदा २ जना घाईते भएका छन् भने चौखुट्टेमा भएको भएको दुर्घटनामा १ जना घाईते भएका हुन्।
घाईते हुनेमा तीनै जना मोटरसाईलमा सवार रहेका व्यक्ति रहेका बताईएको छ। ठुलासैन नजिकैभएको घटनामा घाइते हुनेमा मोटरसाइकलमा सवार कमलबजार नगरपालिका वडा नम्बर ६ का २४ वर्षीय उमेश शाही र सोही ठाउँका २७ वर्षका वीरेन्द्र शाही रहेका छन् । दुवै जनाको खुट्टामा चोट लागेको छ। घाइते दुवै जनाको जिल्ला अस्पताल अछाममा उपचार भइरहेको छ ।
मंगलसैनबाट कमलबजार तर्फ गैरहेको से १ ज ७८४ नम्बरको जिप र विपरीत दिशाबाट आइरहेको भे ८ प २६०८ नम्बरको मोटरसाइकल ठोक्किएका हुन । चालक र दुबै सवारी प्रहरीको नियन्त्रणमा रहेको जिल्ला प्रहरी कार्यालय अछामका सूचना अधिकारी प्रहरी निरीक्षक जनक बहादुर बोहराले जानकारी दिए।
दिपायल बाट साँफेबगर तर्फ गईरहेको से १ ज ६८१ नम्वर को जिपले विपरित दिशा बाट आईरहेको चौरपाटि गाउँपालिका ६ दुनीका अन्दाजि २२ बर्षिया टेक बहादुर साउँदले चलाएको मोटरसाईकल एकआपसमा ठोक्किँदा मोटरसाईलका चालक साउँद घाईते भएका छन।